Шайлдабекова: Шайлоону таза өткөрүүнүн жоопкерчилиги жалаң эле БШКда эмес

21 октября 2020
Версия для печати

Шайлоонун таза өтүшүндө негизги жоопкерчилик жалаң эле Борбордук шайлоо комиссиясында (БШК) эмес. Мындай пикирин 20-октябрда «Азаттыктын» суроолоруна жооп берип жатып Боршайкомдун төрайымы Нуржан Шайлдабекова айтты.

Ал шайлоо системасын жакшыртуу стратегиясынын алкагында көп иш жасалганын, бирок шайлооонун адилеттиги жалаң эле уюштуруу иштеринен көз каранды эместиги анык болгонун белгиледи:

«Мисалы, №2 форма көп нааразылык жаратты. 2017-жылкы шайлоодо да 315 миң жаран шайлоо дарегин өзгөртүп, партиялар киришкенин көргөнбүз. Ошондо биометрикалык идентификацияны киргизип, даректи негизсиз алмаштырууга тоскоолдук болот го деп ойлогонбуз. Андай болгон жок, себеби ресурсу бар партиялар кичиавтобус менен ташып келип, бул тоскоолдукту оңой эле жеңип коюшту. Ошондуктан бул жерде биздин жарандар менен иштөө маанилүү болот деп ойлойм. Жарандар «Жок, биз андайга барбайбыз» десе жакшы жыйынтык болмок. Бирок мен эч убакта жарандарды күнөөлөгүм келбейт. Баарыбыз чогуу иштешибиз керек. Абдан чоң сабак болду».

Источник: Азаттык уналгысы