Ооганстандан көчүрүлүп келген памирлик кыргыздар үчүн Алайда үйлөр курулууда. Бул тууралуу өкмөттүн Ош облусундагы ыйгарым укуктуу өкүлүнүн маалымат кызматы билдирди.
21-майда Ош облусунун Алай районунун Талды- Суу айыл аймагына Памирден келген кыргыз боордошторго үй куруу иштери башталды. Курулушту баштоо салтанатына Өкмөттүн Ош облусундагы ыйгарым өкүлү Узарбек Жылкыбаев катышты. Бул үйлөр республикалык казынадан каржыланып, сметалык баасы 10 млн сом. 1,2 ГА аянтка 4 бөлмөлүү 7 үй курулат жана ага Нарында жашап жаткан Памирлик боордоштор көчүрүлүп келинет.
