Абылгазиев: Жарандар санитардык-карантиндик посттордон жүйөөлүү себептер менен гана өтө алышат

Премьер-министр Мухаммедкалый Абылгазиев ар бир райондун же облустун кире беришинде санитардык-карантиндик посттор орнотулуп жатканын айтып, ал жактан жөнөкөй жарандар жүйөөлүү себептер менен гана өтө алышаарын айтты.

“Санитардык-карантиндик посттордо адамдардын дене табы текшерилип, кайда жана эмне себептен бара жатканы тууралуу маалыматтар алынат. Жүйөөлүү себептер болсо албетте түшүнүү менен мамиле кылабыз. Ал эми той же жөн гана конокко бара жаткандар болбойт”,-деди ал.

Видео

Ал эми Өзгөчө кырдаал министринин орун басары Калыс Ахматов санитардык-карантиндик посттордон кимдер өтө аларын айтып берди.

Видео

  • аткен облусунда – 1 пост (Караван айылы);
  • Ош облусунда – 4 пост (Кара-Суу районунун Жапалак жана Мады айылдары, Өзгөн районунун Ана-Кызыл айылы);
  • Жалал-Абад облусунда – 1 пост (Чычкан посту);
  • Талас облусунда – 1 пост (Талас районунун Көпүрө-Базар айылы);
  • Нарын облусунда – 1 пост (Кочкор районунун Сары-Чат айылы);
  • Ысык-Көл облусунда – 1 пост (Кубакы посту);
  • Чүй облусунда – 5 пост («Сосновка», «Маловодное», «Киргшелк», «Ак-Жол», Алматы-айланма жол посттору).

Санитардык-карантиндик посттор 2 нөөмөттө күнү-түнү иштешет.

Аталган посттордо ӨКМ, ИИМ органдарынын, Саламаттык сактоо министрлигинин кызматкерлери, жергиликтүү бийлик органдары болот.

Источник: govori.tv