Акылбек Жапаров президент менен туугандыгы жоктугун билдирди

Минкабдын төрагасы Акылбек Жапаров 10-ноябрда Орусиянын «Коммерсанть» басылмасына маек курду. Анда Жапаров президент Садыр Жапаров менен туугандык байланышы жок экенин айтты.

Чиновник басылмага президент менен жердеш экенин, экөө тең Ысык-Көл облусунан болорун айтып берди.

«Мен Рыбачье [учурда Балыкчы] шаарында төрөлгөм, анткени ата-энем окуу жайды бүткөндөн кийин ошол жакка иштегени барышкан. Бирок алар Нарын облусунун Кочкор районунда төрөлгөн. Ал эми президент Жапаров — ысыккөлдүк. Эки башка облус, ошондуктан биздин фамилиябыз гана окшош. Кыргызстанда Жапаровдор, Орусиядагы Петровтор сыяктуу эле көп. Эгер биз тууган болгондо жаман деле болбойт болчу», — деди ал.

Бирок минкабдын жетекчиси «кыргыздын баары эле бири-бирине алтынчы-жетинчи муунунда тууганчыгарын» кошумчалады.

Источник: ky.kloop.asia