Баракелде - Коопсуздук кеңешинин катчысы Рыскелди Мусаев Кытай Эл Республикасынын Тышкы иштер министрлигинин тышкы коопсуздук боюнча атайын өкүлү Чэн Гопин менен видеоконференция аркылуу жыйын өткөрдү. Бул тууралуу президенттин басма сөз кызматы билдирди.
Иш-чарага Кытай Эл Республикасынын Кыргызстандагы атайын жана ыйгарым укуктуу элчиси Ду Дэвень дагы катышты.
Видеоконференцияда кылмыштуулукка, терроризмге жана экстремизмге каршы күрөшүү, региондо коопсуздукту камсыз кылуу чөйрөсүндө эки тараптуу кызматташтыкты өнүктүрүү жана чыңдоо маселелери талкууланды.
Ошондой эле «Кыргызстан менен Кытайдын ортосундагы коопсуздук маселелери боюнча диалог» ведомстволор аралык кызматташтык механизминин алкагында социалдык-экономикалык өнүгүү боюнча пикир алмашуу болду.
Иш-чаранын катышуучулары кыргыз-кытай мамилелерин мындан ары да өнүктүрүүгө даяр экенин билдиришти.