Курсан Асановдун баш коргоо чарасы өзгөртүлдү, эми ал өлкөнүн аймактарын кыдырып үгүт иштерин жүргүзө алат

16 декабря 2020
Версия для печати
Обратите внимание на дату публикации.

Ички иштер министринин мурунку орун басары Курсан Асановдун баш коргоо чарасы өзгөртүлдү. Бул тууралуу бүгүн, 16-декабрда анын адвокаты Чынар Жакупбекова журналисттерге билдирди.

Анын айтымында, мындай чечимди бүгүн Бишкек шаардык соту чыгарды. Андан эч жакка кетпөө тууралуу тил каты алынды. Эми Курсан Асанов президенттикке талапкер катары өлкөнүн аймактарын кыдырып, үгүт иштерин жүргүзө алат.

Белгилей кетсек, буга чейин үй камагында отурган Курсан Асанов өлкөнүн аймактарына чыга албасы айтылган.

Курсан Асанов Кой-Таш айылындагы окуялардан кийин кызмат абалынан кыянаттык менен пайдалануу фактысы боюнча жана 2020-жылдын октябрь айындагы парламенттик шайлоодон кийинки башаламандыктар боюнча айыпталууда.

Кечээ, 15-декабрда үгүт өнөктүгү башталды. Ал 2021-жылдын 9-январында саат 08:00дө аяктайт.

Источник: Кyrgyztoday