Депутаттар, коомдук ишмерлер Равшан Жээнбековду үй камагына чыгарууну президенттен өтүнүштү

Обратите внимание на дату публикации.

Депутаттар, коомдук ишмерлер, укук коргоочулар жана бир катар белгилүү адамдар президенттен Равшан Жээнбековду үй камагына чыгарууну өтүнүштү. Кайрылууну өзгөртүүсүз толук бойдон беребиз.

КАЙРЫЛУУ

Урматтуу Сооронбай Шарипович!
Укук коргоо органдары белгилүү саясатчы Равшан Бабырбекович Жээнбековду 7-8-августтагы Кой-Таш окуясы учурунда Кылмыш кодексинин айрым беренелерин бузган кадамдарга барган деп эсептешүүдө. 14-декабрда Биринчи май райондук соту аны 2 айга, тагыраагы 9-февралга чейин СИЗО-1де кармоо чечимин чыгарган. Кыргыз Республикасынын мыйзамдарынын чегинде тергөө амалдары жүрө берсин.

Биз, өлкөнүн өсүп-өнүгүшүнө аздыр-көптүр салым кошкон инсандар укук коргоо органдарынын Равшан Жээнбековго карата бул иш-аракеттерин негизсиз деп эсептейбиз.
Равшан Жээнбеков буга чейин укук коргоо органдарынын чакырууларын калтырбай барып, өз көрсөтмөлөрүн берип турган. Ал видеоматериалдар жана күбөлөр аркылуу өзүнүн кылмышка барбаганын, тескерисинче башкаруудан чыккан жаалданган топтор менен милициянын ортосунда көпүрө болуп, спецназдарды коргоп жүргөнүн, элди тынчтыкка чакырып, абалды жөнгө салууга болгон аракетин жасаганын далилдеп келген. Равшан уюштуруучулук иш-аракеттеринин натыйжасында барымтада калган бир катар спецназдарды аман алып калган. Р.Жээнбековдун мыйзамдын алкагынан чыкпаганы күбөлөрдүн көрсөтмөлөрүндө жана ачык булактардагы толгон-токой фото-видео-тасмалардан ачык көрүнүп турат.

Биз Талас элинин инсандары, Равшан Жээнбековдун сот жана тергөө органдарынан качпай тургандыгына кепилдик беребиз. Себеби Равшан Жээнбековдо андай мүмкүнчүлүктөр көп эле болгон. Кой-Таш окуяларынан кийин чет мамлекеттерге жумуштары боюнча бир нече жолу барып, мекенине кайра кайтып келген.
Равшан Жээнбеков калк арасында ар дайым демократиялык баалуулуктарды туу туткан кесипкөй саясатчы катары белгилүү. Ал саясий кырдаалдарга карап позициясын өзгөртүп турган оомо сапаттан алыс инсан. Ар качан мамлекеттик түзүлүштө системдүү реформаларды сунуштап, бийликке конструктивдүү оппонент кызматын аркалап келген туруктуу оппозициялык ишмер экенин баарыбыз жакшы билебиз. Равшан Жээнбеков эч качан мыйзамдын алкагынан чыкпаган жана башкалардан да ошондой кадамдарды талап кылган саясатчы.

Урматтуу Сооронбай Шарипович!
Сиз чейрек кылымдык чайпалуудан соң өлкөнү оң жолго салып, мурда-кийин кетирилген кемчиликтерди жоюу жана калктын жашоо-шартын жакшыртуу ниетиңизди билдирип келесиз. Биз Талас элинин инсандары, Равшан Жээнбековду, анын 7-8-августтагы Кой-Таш окуясында каршылаш тараптардын ортосунда медиатор катары жасаган иш-аракеттерин эске алып үй камагына чыгарууну суранабыз.

  1. Шадыбеков Дөөлөтбек, Кыргызстан Аксакалдар кеңешинин төрагасы
    2. Анарбек Сулайманов, Кыргызстан Аксакалдар кенешинин мүчөсү
  2. Минур Мамбеталиев, Талас областтык ардагерлер кеңешинин төрагасы
  3. Нарбеков Оморбай, Академик
  4. Аманбаев Төлөбек, Социалисттик эмгектин баатыры
  5. Замирбек Үсөнбаев, Кыргыз Республикасынын эл артисти
  6. Асан Жуманов, 94 жашта, Улуу Ата Мекендик согуштун ардагери,
    Эл агартуунун отличниги
  7. Сыргак Сооронкулов, коомдук ишмер
    8. Алтай Борубаев, Кыргыз Республикасынын Улуттук академиясынын академиги
  8. Токтайым Уметалиева, Саясатчы. Укук коргоочу
  9. Өскөн Камчыбеков, 80 жашта, Эмгек ардагери
  10. Надырбек Алымбеков, Кыргыз эл акыны
  11. Дастан Сарыгулов, коомдук ишмер, Кыргыз Республикасынын мурунку
    мамлекеттик катчысы
  12. Базрбай Мамбетов, коомдук ишмер, мурунку вице-премьер-министр
  13. Гүлсайра Момунова, Кыргыз эл акыны
  14. Өмүрбүбү Бегалиева, философ, поэтесса
  15. Анара Түлөбердиева (Советтер Союзунун баатыры Чолпонбай Түлөбердиевдин
    карындашы)
  16. Улан Дүйшөналиев, “Элдик курултай” кыймылынын мүчөсү
  17. Айбек Бусурманкулов (Айбек мырза), жарандык активист
  18. Аманбол Бабакулов, коомдук активист, блогер
  19. Күнболот Момоконов, белгилүү блогер
  20. Анарбек Усупбаев, “Манас Ордо” жана “Кытай уруусу” коомдук фонддорунун
    төрагасы
  21. Орозалы Дөнөнбаев, легандарлуу парламенттин депутаты
  22. Темирбек Токтогазиев, “Манас жаңырыгы” ТРКнын башкы директору
  23. Кайыргул Сартбаева, СССРдин эл артисти
    1. Роза Айтматова – КР коомдук ишмери, КР билим берүүсүнүн
      эмгек сиңирген кызматкери
  24. Түгөлбай Казаков, КР эл артисти, КРнын мурдагы маданият, маалымат
    жана туризм минитри
  25. Зоотбек Кыдыралиев, Бишкек шаардык кеңешинин мурдагы төрагасы, КРнын
    эмгек сиңирген экономисти
  26. Аскар Айтматов, дипломат, мамлекеттик ишмер
  27. Дарика Жалгасынова, Кыргыз Республикасынын Эл артисти, опера ырчысы
  28. Эднан Карабаев, КРнын мурдагы мамлекеттик качысы жана тышкы иштер
    Министри
  29. Рыскелди Момбеков, Кыргыз Республикасынын жогорку Кенешинин депутаты
  30. Мирлан Жээнчороев, Кыргыз Республикасынын жогорку Кенешинин депутаты
  31. Руслан Казакбаев, Кыргыз Республикасынын жогорку Кенешинин депутаты
  32. Кенжебек Бокоев, Кыргыз Республикасынын жогорку Кенешинин депутаты
  33. Зарылбек Рысалиев, Кыргыз Республикасынын жогорку Кенешинин депутаты
  34. Садык Шер, Кыргыз Республикасынын жогорку Кенешинин депутаты
  35. Гулжан Молдобаева, Кыргыз Республикасынын жогорку Кенешинин депутаты

Источник: govori.tv