ЖЭБ соту: Мурдагы энергетика министри ЖЭБ боюнча буйрук өйдө жактан оозеки түрүндө келип турганын, жоопкерчиликти кагаз жүзүндө аны аткаргандар тартып жатканын белгиледи

Автор: Бактыгуль Султаналиева
SUPER.KG SUPER.KG

Бишкек шаарынын Свердлов райондук сотунда Бишкек жылуулук электр борборун жаңылоодогу коррупция боюнча соттук отурум уланууда.

Анда мурдагы энергетика министри Осмонбек Артыкбаев сурак берүүдө. Соттук отурум учурунда мурдагы өкмөт башчы Жантөрө Сатыбалдиев"Артыкбаевдин "Өкмөттүн буйругу формалдуу түрдө гана чыгат" деген жүйөсүнө түшүнгөн жокмун. Сиз өкмөттүн кызматка кирип жатканда жана тапшырып жаткандагы регламентин окудуңуз беле? Бардык процесс менен көрүнбөгөн күч башкарып жаткан дедиңиз, ал кандай күчтөр эле? Тактап айта аласызбы?", - деди.

Буга Артыкбаев: "Өлкө башчынын чөйрөсү башкарып жаткан деп түз айта алам. Үстүнөн команда оозеки келет. Ал эми жоопкерчиликти кагаз жүзүндө ал буйрукту аткарып, иштегендер тартып жатат", - деп жооп берди.

Мындан тышкары Сатыбалдиев : "Бул жакта 2 жылдан бери отурам. Бирок эмнеге отурганымды бүгүнкү күнгө чейин түшүнбөйм", - деп кошумчалады.
 

Источник: super.kg