Кылычбек Султан: Кыргызстанга тобокелге салып келдим

Фото: Кылычбек Султан
Обратите внимание на дату публикации.

Буга чейин чет өлкөдөн баш паанек сураганын жарыялаган Кыргызстандын Түштүк Кореядагы мурдагы элчиси Кылычбек Султан 20-ноябрда өлкөгө кайтып келди. Анын айтымында, эч бир өлкөдөн баш паанек сураган эмес. Кылычбек Султан өлкө башчысына Тышкы иштер министрлигиндеги көйгөйдү жеткирүү үчүн ушундай маалыматтык ыкма колдонгонун “Азаттыкка” айтты:

- Жаман оюм менен эмес, жакшы ойдо президентке жеткирбей жаткан маалыматтарды жеткирүүгө аргасыз кылуу үчүн айткам. "Президентке маалымат жетпесин, жетсе дагы башкача жетсин" деген кайсы бир топтор, таасирдүү адамдар бар. Ошолорго каршы маалыматтык ыкма болду. Тобокелге салып келдим, азыр мамлекетибизде баары ойдогудай эмес.

Мурдагы элчи азырынча Кыргызстанда болорун жана президенттин кабыл алуусуна үмүт кылып жатканын айтты.

Источник: "Азаттык"