Жогорку Кеңештеги 8 комитеттин төрагалары шайланды

Бүгүн, 12-январда Жогорку Кеңештин жыйыны өтүп, парламенттин 8 комитети түзүлдү. Депутаттар түштөн кийин 3 вице-спикерди шайлап, андан кийин комитеттердин төрагалары шайланды.

Алар:

- Эл аралык иштер, коргоо жана коопсуздук комитетине — Жанар Акаев;

- Отун-энергетика комплекси, жер казынасын пайдалануу жана өнөр жай саясаты комитетине — Азиз Турсунбаев;

- Конституциялык мыйзам, мамлекеттик түзүлүш, сот-укуктук маселелер жана Жогорку Кеңештин регламенти комитетине — Медер Алиев;

- Каржы, экономика, фискалдык саясат комитетине — Данияр Төлөнов;

- Социалдык саясат, билим берүү, маданият, илим, саламаттыкты сактоо, спорт жана жаштар саясаты комитетине — Динара Ашимова;

- Укук тартиби, кылмыштуулук менен күрөшүү жана коррупцияга каршы аракеттенүү комитетине — Сүйүнбек Өмүрзаков;

- Транспорт, коммуникация, архитектура жана курулуш комитетине — Бакыт Сыдыков;

- Агрардык саясат, суу ресурстары, экология жана аймактарды өнүктүрүү комитетине — Аманкан Кенжебаев төрага болду.

Источник: Баракелде