Чек ара кызматы: Кыргыз-казак чек арасында абал туруктуу

Автор: Улан Талипов
Марал радиосу Марал радиосу

Кыргыз-казак мамлекеттик чек арасында кырдаал туруктуу. Бул тууралуу Мамлекеттик чек ара кызматынын коомчулук жана ЖМК менен байланышуу  бөлүмү билдирди.

Мамлекеттик чек ара аркылуу көзөмөл-өткөрүү бекеттери штаттык режимде иштеп жатат.

Учурда кыргыз-казак мамлекеттик чек ара аймагынын «Ак-Тилек-Автожол» өткөрүү бекетинде чек ара көзөмөлүнөн өтүү үчүн кезекте 3-4 жүк ташуучу автоунаа турат. Казак тарап саатына 5-6 унааны текшерип өткөрүүдө. Ошондой эле, кыргыз тараптын чек ара көзөмөлүнөн өтүүдө жүк ташуучулар үчүн чектөө жоктугун билдирет.

Кыргызстандын чек арачылары жүктөрдөн тыюу салынган баңгизаттар жана алардын прекурсорлору, курал-жарак, ок-дары жана жарылуучу заттардын бары-жогун гана текшерүүдө.

«Кыргыз-казак мамлекеттик чек арасынын башка өткөрүү бекеттеринде адамдардын жана автоунаалардын топтолгондугу байкалбайт», — деп айтылат билдирүүдө.

Источник: maralfm.kg